LIGJET E BIZNESIT
Inspektoriati Kombëtar i Mbrojtjes së Territorit,ka kallëzuar në Prokurori kryebashkiakun e Kavajës, Isa Sakja se ka shpërdoruar detyrën duke dhënë leje ndërtimi në kundërshtim me ligjin për 7 objekte shumëkatëshe në Bashkinë e Kavajës.
Pas kallëzimit Sakja, ka reaguar dhe e quan sulm politik vendimin e IKMT për t’a kallëzuar penalisht. Sipas Sakjes, Edi Rama konkretizoi me letra sulmin verbal të ndermarrë ndaj tij pak javë më parë.
Kryebashkiaku shprehet se Rama është në hall ngaqë sondazhet që bëri në Kavajë, me disa kandidatë të tij, i dalin që të gjithë humbës tij, ndaj tenton t’i përdhosë emrin, ndërsa shton se do të vijojë të bëjë punën e tij me aq përkushtim si e ka bërë gjatë 2 viteve të fundit.
Reagimi i Isa Sakja:
Sot, Edi Rama konkretizoi me letra sulmin e tij verbal te ndermarre ndaj meje pak jave me pare. Ne hall, ngaqe te gjithe sondazhet qe beri ne Kavaje, me disa kandidate te tij, i dalin qe te gjithe humbes perballe meje, zgjodhi rrugen e perdhosjes se emrit tim dhe kercenimin per burg. Eshte sulm tipik i tij; fillimisht ben akuzen verbalisht, pastaj formulon akt-akuzen. Nuk jam opozitari i pare i sulmuar prej tij, por nese Edi Rama vazhdon te jete ne krye te qeverise nuk do jem as i fundit.
Te dashur miq, Ju pershendes duke ju siguruar se te gjithe skenaret komunisto-puciste, nga futja e armeve ne kishe e deri tek lincimi publik i kundershtareve politike, i kam te njohur nga historia, ndaj nuk me impresionojne e as me frikesojne dot.
Keni patur mundesi qe te me njihni pergjate me pak se dy vite ne drejtim te Bashkise Kavaje, se per nga natyra jam optimist. Une besoj se ne kete vend ka ende gra e burra qe nuk jane vegla qorre te tij, edhe pse qe te gjithe jemi nen presion dhe kercenim.
Une besoj tek grate e burrat qe e duan Shqiperine me te njejtin pasion qe une e dua ate, e luftojne per nje te ardhme te Shqiperise me demokraci te vertete te fjales, mendimit, besimit e veprimit. Une do te vazhdoj te permbush misionin tim te drejtimit te Bashkise Kavaje me te njejten dashuri, pasion e perkushtim, sic kam bere deri tani.
