Teuta humb finalen në basketboll. Shpallet nënkampione e Ballkanit

Teuta shpallet nënkampione e Ballkanit në basketboll. Ajo u mund në finalen historike të Ballkan League nga maqedonasit e Blokotenha me rezultatin 82-68.

Finalja u luajt në sallën sportive “Feti Borova” në Tiranë, mes mbështetjes të tifozëve të mbërritur nga Durrësi, por edhe të kryeqytetit. Por pavarësisht kësaj, Teuta nuk arriti të fitonte, duke u zënë kështu vendin e nënkampiones së Ballkanit.

Një ditë më parë, Teuta kishte mundur bullgarët e Beores 80-68, për të arritur në finalen e madhe.