Shkrimtari dhe publicisti, Agron Tufa ka bërë një akuzë të fortë në drejtim të deputetit të Partisë Socialiste, Spartak Braho. Ai ka publikuar një dokument, me anë të të cilit pretendon se Braho, në kohën kur ka shërbyer si gjyqtar i Kolegjit Ushtarak të PPSH-së, ka dhënë dënime me vdekje.
“Nuk është i denjë për të jetuar…”, theksohet në dokument.
POSTIMI I PLOTË:
Gjyqtari i Kolegjit Ushtarak të PPSH, sot deputeti Spartak Braho, që kanoset nga salla e Kuvendit pluralist per prerje kokash, ka dhene dhe denime kapitale me Vdekje. Në dokumentin e meposhtëm, (një nga disa dënime me vdekje qe ka dhene deputeti Braho kur ushtronte drejtesine enveriste), shihet qarte se sa i politizuar behej akti i denimit (jopolitik) me vdekje.
Referenca dhe pasqyra e llogarise eshte Komiteti i Partisë së rrethit, ndersa per te denuarin me vdekje sajohen demonizime, sikur stervitej per te vrare kuadrot e ushtrise. Kjo, si duket, akordohet ne një linjë nxirjeje të të dënuarit me vdekje, i cili, si person, sipas Brahos:
a) nuk është i denjë për të jetuar, si i rrezikshem;
b) nuk është i denjë për keqardhje e mëshirë, se vjen nga familje e deklasuar qe ka “strehuar kriminelë” me 1948 dhe ka te dënuar politikë, dmth, familje antikomuniste.
