Nga 11 marsi i 2019, ka filluar puna për ngritjen e Sistemit, kryerja e sherbimit të vlerësimit të riskut dhe parandalimit të humjes së të dhënave. Një shërbim i rëndësishëm për bisneset dhe gjithë sistemin ekonomik në vend, që AKSHI ka vendosur t’ ja japë një bashkimi kompanish, njëra shqiptare dhe tjetra boshnjake. Ose më mirë, në dukje boshnjake, por në fakt është nga republika Serbe e Bosnjes. Kështu Agjensia Kombëtare e Shoqërisë së Informacionit (AKSHI) ka vendosur që të fusë serbët në një sistem të rëndësishëm për ekonominë e vendit dhe rrjedhimisht edhe për sigurinë. Për të ngitur sistemin kompania serbo-boshnjake do të duhet të marrë të dhëna dhe akses në gjithë sistemin informatik shtetëror, por drejtoresha Mirlinda Karçanaj, mesa duket nuk e sheh si shqetësim, përkundrazi, e sheh si një mundësi.
Është një mundësi që rreth 1. 9 milionë dollarë të ndahen në një tender pa konkurim. Në tender nuk ka marrë pjesë asnjë firmë tjetër përveç “First”sh.p.k dhe “ATIA”d.o.o, që janë bashkuar në një kompani dhe e kanë fituar tenderin me një ofertë 1 milionë lekë më të ulët. AKSHI jep 199.990.080 (Njeqind e nentedhjet e tete milion e nenteqind e nentedhjet mije e e gjashtedhjet) lekë pa TVSH dhe oferta e firmës 198.990. 060 lekë. E çuditshme është se firma ka vlerësuar 1 milionë lekë më pak, por e pashpjegueshme mbetet pse e ka ulur edhe 20 lekë. Nuk mbaron këtu.
Shifra me TVSH e tenderit është 239.988.080 (Dyqind e tridhjete e nëntë milionë e nëntëqind e tetedhjete e tete mije e 80 lekë . Për 1.1 milionë do të kapte shumën e 250 milionë lekëve ose 2 milionë eurove, gjë që do ta detyronte AKSHI-n të hapte një tender ndërkombëtar, sipas ligjit të prokurimeve. Kjo do të hapte shumë punë, sepse kompani të huaja, që nuk marrin pjesë në marrëveshje ilegale për tenderimet, do të merrnin pjesë dhe mund të jepnin oferta shumë më të mira. Kjo do të thoshte që firma e përzgjedhur nga drejtuesit e AKSHI-t, ose duhet të ulte ofertën duke fituar më pak, ose do të humbiste tenderin.
Duket qartë që vetëm me një tender, drejtoresha e AKSHI-t, Mirlinda Karçanaj ka bërë 3 shkelje. E para ka shmangur tenderin ndërkombëtar, e dyta ka pranuar tenderin vetëm me një ofertues (duhet ta shtynte ose ta anullonte) dhe mbi të gjitha pastaj, i ka lënë çelësat e sigurisë kibernetike në dorë një kompanie serbe nga Bosnja. E gjithë kjo në heshtje, askush nuk denoncon çfarë ndodh në një institucion që prej 6 vjetësh bën të njëjtën gjë./Dosja.al/
