Rudina Hajdarasi merr përsipër të pajtojë palët. “Meta nuk e bën dot, i shërben LSI-së”

Deputetja Rudina Hajdari ka deklaruar se do të marrë përsipër organizimin e një tryeze dialogu mes qeverisë dhe opozitës, që ka dalë tashmë nga parlamenti. E ftuar në emisionin “Open”, Hajdari tha se emri i saj do të ishte në një ulëse mes atyre të palëve të tjera politike në Shqipëri, pasi dialogu do të organizohej nga vetë ajo.

“Po sigurisht që do ketë edhe një vend për mua, sepse unë po i ftoj ata të ulen për dialog. Ata nuk duan të ulen, unë po i ftoj. Dua të jem ndërmjetësuesja e krizës. Do të bëj ftesa zyrtare. Presidenti Meta nuk e bën dot sepse i shërben një partie”, tha Rudina Hajdari.

Ajo deklaroi se kjo nismë do të merret së shpejti, por ajo do të varet edhe nga gadishmëria e palëve.