Rrufeja godet Akropolin, ja vendimi që marrin autoritetet greke

Dje një rrufe ka goditur Akropolin, një nga monumetet kulturore më të rëndësishme greke, e vendosur në qendër të Athinës.

Nga rrufeja janë   plagosur 4 persona dhe janë transportuar në spital.  Rrufeja ka goditur një pikë ku shiteshin bileta për të hyrë në Akropol, në vendin e njohur si Erechtheion.

Shërbimi meteorologjik helen njoftoi se si rrjedhojë e ngjarjes së ndodhur, monumenti historik do të qëndrojë i mbyllur për disa kohë.

Vizitorët në monumentin më të lartë historik të Greqisë u penguan të hynin në vendin e Pantheonit në kodrën e Akropolis në Athinën qendrore, shkruan “Ekathimerini”.