Shpresat ishin të gjitha te Cristiano Ronaldo, por as portugezi nuk arriti dot t’ja sillte trofeun e Champions League, Juventusit këtë sezon.
E intervistuar nga portali portugez “A Bola”, në hapje të turneut ndërkombëtar “Maritimo Sentenario” në Funchal (Portugali), e ëma e CR7, Dolores Averio, ka sjellë fjalët e të birit pas eliminimit nga Champions Leagues: “Kështu më ka thënë: ‘unë nuk bëj mrekulli’. Kampionati është duke shkuar mirë dhe i ka munguar pak fati në Champions, por jeta vazhdon”.
Kampionët e Italisë u eliminuan pas humbjes 1-2 ndaj Ajaxi-t. Shprehja e Cristiano Ronaldo në fytyrë gjatë daljes nga fusha, pas eleminimit të Juventus nga Ajax linte shumë pak vend për imagjinatën.
