Pas grabitjes së 7 thasëve me para nga barku i avionit në Pistën e Aeroportit të Rinasi, po vazhdojnë përplasjet mes politikanëve me ministrin e Brendshëm, Sandër Lleshaj.
Sot, përmes një postimi në Facebook, ish-deputeti i LSI, Petrit Vasili ka komentuar deklaratën e bërë sot në Kuvend të Lleshaj, duke e quajtur këtë të fundit “damlla dhe i lajthitur”.
Vasili tha se “Ministri i brendshëm në parlament 3 ditë pas grabitjes në aeroportin e Rinas deklaroi:
“Kemi CËNIM dhe jo rrëzim të sigurisë, nuk mund të flasim për rrëzim të sigurisë kombëtare për atë incident që ndodhi në Rinas”,
Po i njëjti ministër i brendshëm po në parlament sot deklaron krejt të kundërtën:
“Siguria kombëtare e Shqipërisë nuk mund të cenohet nga një grup prej pesë vetash që cenojnë sigurinë në aeroportin e kryeqytetit.”, tha Lleshaj.
“Po të njëjtin ministër të brendshëm e nxorën për zverku nga aeroporti dhe hyri Ushtria në aeroport”.
“Shqipëria nuk ka ministër të brendshëm dhe idiotësi të tilla shqiptaret nuk kanë dëgjuar kurrë më parë.
Ka përkundrazi një damlla të inkrimnuar, që kriminelët që grabisin Aeroportin nuk i kap, ndërsa protestuesit po i kap”, deklaron ai më tej.
