Ish-kryeminsitri Sali Berisha ka reaguar sërish për grabitjen e 9 prillit në aeroportin e Rinasit. Përmes një postimi në faqen e tij të “Facebook”, Berisha këtë herë ndan artikullin e gazetës “Le Courrier des Balkans”, ku shkruan se redaksia e kësaj gazete e konsideron grabitjen e 10 milionë eurove, si grabitjen e shekullit.
Ish-kryeministri, në postimin e tij, duke iu referuar artikullit shton se aeroporti është pjesë e territorit të Shqipërisë dhe jo të Kinës, ndaj edhe ligjërisht është nën mbrojtjen e Policisë së Shtetit.
“Grabitja e shkeullit!
I kujt eshte faji?!
Ky eshte titulli klamoroz per grabitjen e 10 milione eurove ne pisten e aeroportit te Rinasit me dt 9 prill 2019, me te cilen hapet gazeta Le Courrier des Balkans:
Albanie : « braquage du siècle » à l’aéroport de Tirana, à qui la faute ?
Le Courrier des Balkan; Par la rédaction | vendredi 12 avril 2019
Ne kete artikull redaksia e gazetes informon per ate qe ajo ne titull e quan grabitja e shekullit, vjedhjen me daten 9 prill ne pisten e avioneve te 10 milion eurove. Redaksia e gazetes shtron pyetjen kush e ka fajin per kete grabitje te shekullit dhe shkruan se per autoritetet shteterore shqiptare nga Edvini dhe gjithe te tjeret faji eshte i koncesionarit kinez nderkohe qe koncesionari hedh poshte keto akuza dhe pergjigjet se pergjegjesia e sugurimit te kompleksit eshte e policise shqiptare. Aeroporti eshte pjese e territorit te Shqiperise dhe jo e Kines dhe ligjerisht eshte ne mbrojtjen e policise se shtetit”
Me poshte redaksia e gazetes rendit serine e kater vjedhjeve te tjera nga viti 2015 gjer sot.”- shkruan Berisha.
