Rama i dhuron lule lezhjanit: Bardh e kuq se ke votuar LSI

Kryeministri i vendit, Edi Rama ka shkuar këtë të shtunë në Lezhë për të ndjekur nga afër punimet në rrugën e Torovicës.

Ndërkohë, kryeministri ka shkëmbyer batuta me banorët. Ai i dha lule një banori të zonës, dhe tha se, po ia dhuron atij trëndafilat kuq dhe bardhë, sepse ka votuar për LSI-në.

Lezhjani i thotë më pas Ramës se, nuk ka votuar kurrë për LSI-në, por për PD-në.

Dialogu
Rama: Po këto lulet? Jepja atij jepja. Hajde merri.
Banori: Faleminderit, mirë se erdhe!

Banori: Dhurata më e mirë kjo ishte për mua.
Rama: E di pse ta dhashë ty se është bardh e kuq, ti ke votuar për LSI-në.
Banori: Për LSI-në nuk kam votuar asnjëherë në mënyrë absolute. Për PD kam votuar, për LSI-në jo.
Rama: Ke votuar për PD-në ë, epo lule blu nuk kam unë.
Banori: Boll bukur këto.