LIGJET E BIZNESIT
Opinion nga Zef Preçi, ekspert për ekonominë
Do të mjaftonin gjetjet e raportit në vijim të rrjetit prestigjioz BIRN për të kuptuar njëkohësisht dështimin në drejtësi, për shkak të kapjes politike të reformës në proces e sipër, për të kuptuar se ku përfundojnë qindra milionë Euro të taksave të qytetarëve, që varfërohen çdo ditë, për shkak të rritjes së këtyre taksave, për të kuptuar se përse oligarkia është e përfshirë në një agresion të vërtetë ndaj gjithçkaje publike, të cilën nxiton ta gllabërojë përmes koncesioneve, lejeve për kulla, marrëveshjeve preferenciale për kalimin në duar private pa konkurrim të aseteve të rëndësishme publike, kontratave të shërbimit për vend-parkimet, etj.
Duke e përgëzuar BIRN Albania për analizën profesionale dhe përpjekjet për të zgjuar nga letargjia organin e akuzës dhe ILDKPI, të jemi të qartë në një gjë: vetëm sekuestrimi dhe vënia në dispozicion të buxhetit të shtetit të pasurive të zyrtarëve të vëna në mënyrë të paligjshme dëshmon fillimin e funksionimit të shtetit të së drejtës në Shqipërinë postkomuniste.
E deri atëherë, ndoshta jemi të detyruar të dëgjojmë historitë me “kazanë dhe kadrinj” si i vetmi argëtim për turmat e uritura që ofron “udhëheqësi” në mungesë të progresit real ekonomik dhe shoqëror të vendit…Ndërkaq Europa e ëndërruar largohet edhe me shumë në horizontin e historisë…
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
