Qëlloi me armë nga makina, arrestohet sërish vëllai i ish-Drejtorit të Transportit

Sot Policia njoftoi se është vënë në pranga një 48-vjeçar në Tiranë, pasi ka qëlluar me armë zjarri në ajër, ndërsa udhëtonte me automjet.

Burime tregojnë se i arrestuari është, Altin Isaraj, vëllai i ish-Drejtorit të Transporti Rrugor Arben Isaraj, i cili dha dorëheqjen vitin e kaluar pasi vëllai i tij u arrestua për trafik droge.

Altin Isaraj theu masën e sigurisë të caktuar nga gjykata  me “arrest shtëpie”, ndërsa qëlloi me armë në ajër nga një makinë, me të cilën po udhëtonte së bashku me dy persona të tjerë.