FOTOT/ Protestuesit i vënë flakën makinës së polices

Policia ka lëshuar një tjetër ultimatum ndaj protestuesve. Është kërkuar që protestuesit të largohen brenda 5 minutash dhe të heqin maskat. Një thirrje që ka rënë në vësh të shurdhët dhe nuk është marrë parasysh prej tyre.

Përkundrazi, ata i kanë vënë flakën një makine të parkuar në rrugë, që mësohet se është në pronësi të një punonjëse policie. Pasi automjeti është djegur për disa minuta, në vendngjarje kanë mbërritur zjarrëfiksit, të cilët po tentojnë të shuajnë flakët. Zjarrëfiksit po ndihmohen edhe nga Forcat e Ndërhyrjes së Shpejtë (FNSH), të cilët po ruajnë perimetrin nga protestuesit.