Policia, thirrje me megafon: Hiqni maskat! Kush mbulon fytyrën dënohet me burg

Protestuesit po përplasen me kordonin e Policisë para Paramentit, ndërkohë që në Kuvend po vazhdon seanca plenare.

Sakaq, kanë filluar thirrjet me megafon, ku policia i kërkon  protestuesve të ruajnë gjakftohtësinë dhe të mos hedhin kapsolla në drejtim të policies.

Por jo vetëm, i është bërë thirrje edhe organizatorëve që të marrin masa të menjëhershme ndaj personave që kanë mbuluar fytyrën

“Të nderuar organizatorë të protestës. Merrni masa të menjëhershme që protestuesit që kanë mbuluar fytyrën me shall e maska ose të zbulojnë fytyrën ose t’i largoni menjëherë nga protesta.

Sipas ligjit për tubimet, mbulimi i fytyrës dënohet deri në 6 muaj burg. Ju si organizatore të tubimit mbani përgjegjësi ligjore për mbarëvajtjen e tubimit”.