Rritet sërish tensioni në zonën e Bregut të Lumit në kryeqytet, ku banorët protestojnë për shembjen e banesave të tyre që do të mundësonin vazhdimin e punimeve për Bulevardin e Ri.
Forcat e policisë kanë shkuar që prej orës 06:00 të mëngjesit tek Bregu i Lumit për të mbështetur punonjësit e INUV.
Deri më tani 3 persona janë në spital për të marrë mjekim ndërsa 6 të tjerë janë arrestuar. Një grua ka thyer këmbën dhe sipas një banori, një 76-vjeçar pasi goditjeve nga policia ka hyrë në sallë të operacionit.
Protestuesi Uzur Mandri 76 vjeç është plagosur në kokë dhe aktualisht ndodhet në sallën e operacionit. Flora Mandri dhe Xhabir Boleci janë dy protestuesit e tjerë të lënduar. Nga INUV janë shembur deri më tani 1 banesë dhe po shembet e dyta.
