Ditën e djeshme kryeministri , Edi Rama ka qenë i pranishëm në Kukës, ndërkohë sjellja e tij është komentuar nga nënkryetari i PD-së, Edi Paloka.
Në një postim në Facebook, teksa i drejtohet kryeministrit, Paloka shkruan se s’mund të qëndrojë me kryeministër i një populli që të urren dhe e urren, sipas tij, Rama nuk reflekton, edhe pse po përballet me refuzim të vazhdueshëm nga qytetarët.
“Nuk mund të qëndrosh me kryeminister i një populli që të urren dhe e urren.
Dje ne Kukës, edhe pse solle mijëra forca, përfshi forcat speciale, u ngjeshe dhe me antiplumb dhe prapë nuk guxove të ballafaqoheshe me qytetarët por mblodhe me detyrim administraten e deri nxënësit e shkollave me çanta në krah, për të zbrazur urrejtjen tënde për shqiptarët.
Nuk të duan më, jo kuksianet por shumica e shqiptareve. Kjo nje njeri normal do ta bente te reflektonte por nje si ty e terbon.
Ndaj do vazhdosh edhe pak te zbrazesh urrejtjen dhe arrogancen tende ndaj qytetareve, sic ke bere ne gjithe Shqiperine e dje ne Kukes. Por nje gje eshte e sigurte, njerezit kane nevoje per nje qeverisje dhe nje kryeminister normal, prandaj po te perzene kudo qe shkon me bisht nder shale. Jane qytetaret e vertete e normal te ketij vendi. Asnjeri prej tyre nuk eshte i droguar. I vetmi i droguar dje ne Kukes ishe ti Edvin…”, shprehet Paloka.
