LIGJET E BIZNESIT
Të shtunën pasdite opozita proteston sërish në bulevardin “Dëshmorët e Kombit. Por edhe këtë protestë, kryeministri Edi Rama do ta shohë ndoshta nga televizori ose telefoni celular. Mësohet se ai nuk do të jetë nesër në Tiranë, pasi do të jetë në një vizitë zyrtare në Kuvajt.
Në këtë mënyrë, kreu i qeverisë ka shmangur për të tretën herë protestën e opozitës në bulevard. Në protestën e parë, atë të 16 shkurtit, nga e cila u mor vendimi i opozitës së bashkuar për të djegur mandatet, kryeministri iu kundërpërgjigj me një tjetër aktivitet masiv në Vlorë. Një muaj më vonë, po në bulevard, opozita rrethoi Kryeministrinë me marshime. Zyra e Kryeministrit ishte bosh. Rama u zhvendos në Berat me “Bashkinë që Duam”.
Protesta e tretë kombëtare e opozitës do të jetë të shtunën pasdite. Rama fluturon kësaj radhe në Kuvajt. Ndërsa në Tiranë, policia dhe Kryeministria kanë marrë masat e sigurisë, duke filluar nga kamerat e sigurisë, e deri tek mbrojtja në hyrje të godinës dhe vendosjen e gardheve rrethuese alumini.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
