Ndërtimi i godinës së re te UBT/ Nënkryetari i Bashkisë “përplaset” me pedagogun

Pranë fidanishtes së Universitetit Bujqësor, ka nisur një ndërtim i ri betoni. Ndërkohë studentët dhe pedagogët kanë vijuar protestën edhe sot për anulim të punimeve.

Mesditën e sotme, nënkryetari i Bashkisë së Tiranës, Arbian Mazniku, është përballur me drejtuesit e universitetit të UBT-së,  i cili ka sqaruar se shkolla do të ndërtohet pasi fëmijët e zonës nuk kanë se ku të arsimohen.

Ndërkohë  sipas Maznikut  Bashkia po përpiqet që tokën  pranë UBT-së e cila sipas tij  ishte e privatizuar, do të kthehet në pronë publike në shërbim të shkollave.

Debati:
Pedagogu: Ti po hoqe këta, hoqe universitetin. Ju po prekët universitetin e keni shkatërruar, unë mbroj interesin publik. Të kishit ardhur para 3 muajsh. Kur Rama doli unë e përgëzova. Duam të na ndihmoni, jo të na shkatërroni. A keni fëmijë? A doni që fëmijët tuaj të ikin në emigracion? Ju ardhtë zoti dorën të gjithë atyrë që bëjnë këtë gjë?
Mazniku: Po për fëmijët e këtyre s’duhet të shqetësoheni, kjo është pyetja e drejtë? A kanë të drejtë banorët t’ju shkollohen fëmijët?
Kjo zonë s’është më si para 20 vitesh. Tani qyteti ka ardhur këtej.
Pedagogu: lëri këto sofizma me mua, po të dëgjoj për respekt, këto janë rrena. Mos na shkatërroni kampusin. Ju miku im po bëni një gabim shumë të madh.
Mazniku: Këtu është një djerrinë me plehra, s’ka as vresht asgjë.
Pedagogu: këtu do e ndërtojmë vreshtin
Mazniku: Banorët e meritojnë shkollën.
Pedagogu: këto janë sofizma
Mazniku: kështu ndodh në çdo vend të botës.