E çuditshme, por ka edhe raste të tilla. Drogë që transportohet në krahë dhe jo me mjete apo mënyra të sofistikuara. Ngjarja ka ndodhur me dy shqiptarë, që po përpiqeshin të transportonin një sasi të konsiderueshme lëndë narkotike në krahë, në malet e Qafë Botës, pikës më jugore kufitare me Greqinë fqinje.
Ata u kapën nga Policia Kufitare, teksa lëviznin me rreth 40 kg hashash në krahë nëpër male.
Kjo nuk është hera e parë që identifikohen shtetas shqiptarë që transportojnë hashash të ngarkuar me çanta shpine, teksa policia greke kishte ngritur më herët shqetësimin për dy raste tek autoritetet shqiptare.
