LIGJET E BIZNESIT
Gjatë kohës që po mbante fjalën e tij në Kuvend, ka nisur një debat midis kreut të Kuvendit Gramoz Ruçit dhe deputetit të ri, Ralf Gjonit, pasi ky i fundit ka kërkuar të replikojë ministrin Lleshaj.
Gjoni ka kërkuar fjalën për të replikuar, por nuk është lejuar nga Ruçi, vetëm pas këmbënguljes deputeti i ri foli shumë pak dhe kritikoi Lleshajn në grabitjen në Rinas, por Ruçi menjëherë i hoqi fjalën dhe u shpreh:
“Mbyllja mikrofonin ju lutem. Mund të ulesh. Çfarë keni mo?”. Mos lejimin e replikave Gjoni e quajti skandal.
DEBATI:
Ruçi: Nuk ta jap fjalën.
Gjoni: S’ke të drejtë, ky është skandal, dua të flas. Të ndryshohet rregullorja.
Ruçi: Shumë shpejt do të ndryshoj rregulloren. Jo të lutem i kam dhënë fjalën zonjës Hajdari. Mësohuni me rregullat.
Gjoni: E drejta e replikës duhet.
Ruçi: Mbyllja mikrofonin ju lutem. Mund të ulesh. Çfarë keni mo?
Gjoni: E njoh shumë mirë rregulloren,dua ti sqaroj zotit ministër. Nuk i kam kërkuar dorëheqjen sot. Nuk flasim për imagjinatë. Flasim për një detyrim. Pse i bini nga Kina? Mirë brenda aeroportit, por jashtë aeroportit? Aeroport që ruhet me ushtri? Çfarë jemi ne?
