Lezhë/ Ndalohen një djalë dhe një vajzë duke transportuar mina me telekomandë

Detaje të reja kanë dalë lidhur me sekuestrimin bombave me  telekomandë sot në Lezhë. Ndër të arrestuarve ka qenë edhe një vajzë. Amelda Elezi është 21-vjeçarja nga Vlora që shiste mina me telekomandë në Lezhë.

Gjithashtu në pranga u vu edhe stetasi Armand Lukani 23 vjeç dhe u shpall në kërkim E.E., 27 vjeç, banues në Vlorë (i dënuar më parë).

E reja nuk rezulton të jetë dënuar më parë, por dyshohet se ka qënë pjesë e skemës për shitjen e minave, në mënyrë që grupi të mos zbulohej nga Policia.

Mësohet se çmimi i një bombe me telekomande arrin shifrën e 2500 eurove. Tre vlonjatët kishin shkuar në Lezhë për të shitur bombat me telekomandë.

3 mina që dyshohet se do përdoreshin për atentate, janë sekuestruar nga Policia e Lezhës. Minat ishin fshehur brenda dy çantave dhe në pranga kanë rënë 2 të rinjë, ndërkohë që një tjetër është shpallur në kërkim.

Për tu mos u gjetur minat ishin futur mes rrobave në dy çanta të ndryshme. Gjithashtu dy të rinjëve në çantë u është gjetur edhe 2.3 kg marijuanë.