LIGJET E BIZNESIT
Një ngjarje me pasoja fatale është parandaluar sot në Kukës, në zyrat e ALUIZNI-t. Pas një konflikti, një qytetar ka kërcënuar me armë zjarri drejtorin e ALUIZNI-t, Vladimir Spahiun.
Sipas policisë, debati ka nisur verbal, madje edhe kërcënime, por më vonë qytetari me iniciale P.H është larguar nga aty dhe ka shkuar në banesë për të marrë armën e gjahut, me të cilën është rikthyer sërish në zyrat e ALUIZNI-t.
“Shtetasi P.H., ka kërcënuar shtetasin V.S., vjeç 46, banues në Kukës, për shkak të detyrës, dhe është larguar në banesë për të marrë armën e gjahut të cilën e posedonte me leje, ku është rikthyer përsëri, duke prishur dhe qetësinë publike, dhe në këto momente falë ndërhyrjes së shpejtë të Policisë u bë e mundur kapja e autorit si dhe bllokimi i armës”-njofton Policia.
