Kriza politike/ Meta nga Durrësi: Dialog, jo kokëfortësi dhe mitingje të panevojshme

Presidenti Ilir Meta thotë se beson tek dialogu i përgjegjshëm i forcave politike për të zgjidhur krizën aktuale.

Nga Durrësi, ku ishte I pranishëm për ceremoninë përkujtimore me rastin e 80-vjetorit të nisjes së rezistencës antifashiste kundër pushtimit të Shqipërisë, theksoi sërish se vetëm dialogu mund të sjellë zgjidhje politike.

Presidenti kujtoi se vendi ka bërë përparime gjatë transicionit të saj, që nuk duhen humbur me përballjen institucionale të këtyre muajve.

“Pas vitit 1997 vendi ka bërë përparime të rëndësishme dhe i nxis e i inkurajoj të gjithë politikanët e përgjegjshëm kudo ku ata ndodhen, në mazhorancë apo në opozitë, të tregojnë që në këto 22 vite Shqipëria jo vetëm ka bërë përparime, por që edhe këto 22 vite nuk mund të shkojnë dëm, nga ngërçi që këto muaj është simbolizuar për mitingjeve, dhe antimitingjeve të panevojshme, duke parë edhe sezonin turistik në horizont, jetik për ekonominë e vendit”- u shpreh Presidenti.