Kriza politik/ Lubonja: Interesi më i madh i Ramës është rindërtimi i fasdës

Fatos Lubonja tha se në Shqipëri ka dy kriza të mëdha, njëra është politike dhe tjetra lidhet më të gjithë sistemin që na ka sjellë në këtë situatë

I ftuar në rubrikën “Opinion” në Neës 24, tha se opozita duhet të këtë një vizion për të ngjallur shpresë tek populli.

“Politika te ne është bërë shfaqje, lideri del dhe i flet popullit që mblidhet. Njerëzit duhet të mblidhen për problemet që kanë, të diskutojnë si ti zgjidhin”, tha Lubonja.

Sa për zgjidhjen e krizës politike, analisti u shpreh se një gjë e tillë i intereson më shumë Ramës se sa Bashës. Është kryeministri personi që ka më shumë interes të rindërtojë fasadën, u shpreh ai.

“Ajo që tha Basha ishte e qartë. Ato që thotë Rama nga ana tjetër janë të qarta. Janë dy korsi që përjashtojnë njëra-tjetrën. Basha thotë: Ne me këta nuk bashkohemi, këta duhen shporrur. Rama thotë: Ata dolën vetë nga Parlamenti. Ne do vazhdojnë punën. Ne e quajmë zgjidhje kur këta të ulën tek Krokodili apo Peshkaqeni, apo të hanë ngjala.

Pra, ky është momenti i rindërtimit të fasadës. Ramës i intereson të rindërtojë fasadën më shumë. Opozita e ka hequr veten vetë nga fasada. Kjo krizë nuk e di si zgjidhet. Opozita për momentin ka vendosur ta lërë pa fasadë. E ka opozita detyrën kryesore të imponohet gjithnjë e më shumë. Rruga nuk e di sa e gjatë do jetë”,- u shpreh analisti.