Itali/ Aksident i rëndë, vdesin dy shqiptarë

Një aksident tragjik i ka marrë jetën dy shqiptarëve në Itali.  Ngjarja ndodhi mbrëmjen e kaluar pranë zonës së njohur si Bitonto, në Bari të Italisë. Ndodhet në gjendje të rëndë një tjetër person, raportojnw mediat Italiane.

Ai është 43-vjeç, me profesion polic dhe aktualisht ndodhet i shtruar në spital. Sipas informacioneve paraprake, dy shqiptarët udhëtonin me një automjet tip “Renault Clio” që ishte nisur drejt Barit dhe në rrethana ende të paqarta humbi drejtimin.

Në vendngjarje ka mbërritur policia, forcat zjarrfikëse dhe autoambulanca. Aksi ku ndodhi aksidenti u mbyll për kalimin e mjeteve të tjera për disa orë, ndërsa qarkullimi normal u mundësua vetëm mëngjesin e sotëm.