Rudina Hajdari nuk mund të krijonte grupin e saj parlamentar së paku deri në shtatorin e vitit të ardhshëm, nëse Gramoz Ruçi nuk do të qe treguar tejet zemërgjerë, me bijën e njërit prej kundërshtarëve të tij më të egër.
Rregullorja e parlamenti e ka të shprehur qartë se nëse një deputet largohet nga grupi parlamentar, ai nuk mund t’i bashkohet një grupi tjetër pa kaluar gjashtë muaj nga data e largimit (Neni 15 pika dy e rregullores së kuvendit).
Ky vëzhgim që u publikua së pari nga gazeta Panorama e shprehte shumë qartë se pa “dashurinë” e socialistëve dhe pa bujarinë e kreut të kuvendit, as Rudina Hajdari nuk mund të bëhej kryetare e grupit dhe as Myslim Murrizi nuk kishte mundësi të bëhej anëata i tij. Ata duhet ta kalonin përmes filtrit gjashtë mujor për të kapërcyer ylberin.
Vetë Hajdari me një postim në Facebook është përpjekur ta justifikojë këtë dashamirësi të treguar nga kundërshtarët e saj.
Sipas argumentave të deputetes së opozitës së re ajtë nuk e kap ky nen sepse ajo nuk është larguar asnjë ditë nga grupi parlamentar i PD, pasi ky grup nuk ekziston më pas u vetëshkri. Pra sipas Hajdarit, ajo dhe Murrizi nuk mund të largoheshin nga diçka që nuk ekzistonte më, prandaj ata vendosën të themelojnë “Grupin Parlamentar Demokrat”.
Në fakt debati nëse quhet i lirë nga obligimi 6 mujor, një deputet grupi i të cilit nuk ekziston më donte një diskutim mes juristësh, ose një interpretim nga drejtësia të rregullores, por kreu i Kuvendit Gramoz Ruçi as nuk e ka cekur këtë çështje duke parë përfitimin politik të partisë së tij që Rudina Hajdari të ketë një grup parlamentar. Kjo gjë u pa qartë edhe nga entuziazmi me të cilin mediat pr qeveritare e transmetuan këtë fakt.
Dhe ky është në fakt rreziku më i madh për deputeten e re. Imazhit të saj nuk i prish punë as fakti se përse nuk iu bind Bashës për të djegur mandatin dhe as vendimi personal për të dalë kundër forumeve të partisë.
Por atë mund ta shkatërrojnë dhe ta kthejnë në një kukull qesharake favoret dhe përdorimi që po i bëjnë kundërshtarët. Fakti që Gramoz Ruçi as nuk pyeti për rregulloren, fakti që socialistët u gëzuan më shumë se vetë Rudina për faktin se ajo u bë me grup, janë damka më e rëndë për të ardhmen e saj. /Lapsi.al
