LIGJET E BIZNESIT
Pas sulmimit dhe grabitjes së pronarit të një Exchange, në rrugën e “Barikadave”, disa ditë më parë autorët u arrestuan nga policia.
Një prej grabitësve të arrestuar ishte edhe 35-vejçari, Elvis Tafa, i cili u arrestua në flagrance nga polici rrugor. Ditën e sotme, Prokuroria ka zbardhur dëshminë e tij.
Tafa ka deklaruar se e ka realizuar vjedhjen me dhunë të kambistit në bashkëpunim me Xhoni Didon. Ai thotë se e kishin studiuar vendin ku do të grabisnin dhe personin dsa ditë më parë.
“Të premten dola nga nga shtëpia në 05:00 dhe shkova takova Xhoni Didon tek Kthesa e Kamzës. Atje kemi ndërruar rrobat dhe përmes një motori të Xhonit kemi shkuar tek 9-kateshet. Disa ditë më parë Xhoni më kishte treguar për vendin dhe personin që do grabisnim.
Kur mbërritëm tek vendi kemi ndaluar motorin dhe kemi bërë sikur po i rregullonim gomën. Pas 20 minutash aty po kalonte kambisti me motor. Xhoni i ra me levë dhe ai ra nga motorri. Pasi i mori lekët hipëm në motorr, ku i jepja unë dhe u drejtuam nga rruga e Barrikadave.
Tek kryqezimi pashë një makinë policie dhe desha të devijoj, por Xhoni më tha të ecja drejt. Meqë nuk iu binda ai më qëlloi me levë dhe kam humur ekuilibrin duke rënë nga motorri. Ai u largua me lekët”, tregoi Tafa.
I riu tregon ndër të tjera se janë detyruar nga dy persona të tjerë të kryejnë grabitjen, për shkak se iu kishin borxhe. “Për të kryer vjedhjen na kanë shtyrë Elvis Berisha dhe dhe Blenard Hoxha, të cilëve u kishim boxhe”,- tregoi ai më tej.
