Gjoba për shu**ën, Bashkia e vendos dyfish më shumë se ligji

Paraditen e sotme, kryetari i Bashkisë së Tiranës, Erjon Veliaj njoftoi se Partia Demokratike ishte gjobitur me 20 mijë lekë, pasi një protestues urinoi tek muri i kryeministrisë.

Por kjo gjobë është dyfish më e lartë se maksimumi që parashikon ligji. Eksperti i çështjeve fiskale, Pano Soko ka bërë një status me jo pak ironi në facebook, ku denoncon këtë fakt. Sipas tij, ne vendimin Nr. 156, date 21.12.2018 “PER PERCAKTIMIN E DISA KUNDRA VAJTJEVE ADMINISTRATIVE DHE SANKSIONIN QE VENDOSET PER TO NE TERRITORIN E BASHKISE TIRANE”, neni 10 “Kundravajtjet administrative kundër moralit publik” parashikon që urinimi, defekimi apo të përshtyri në mjediset publike dënohet nga Policia Bashkiake me një gjobë nga 2000 (dy mijë) deri në 10 000 (dhjetë mijë) lekë.

E thënë ndryshe, Bashkia e ka rënduar dorën me partinë Demokratike, duke vendosur gjobën dyfish më të lartë sesa e parashikon ligji.

STATUSI I PLOTE

“Kot sa me lujt derën, kur i thonë.. Po pse ajo gjoba e Bashkisë për atë që bëri sh*rrën ishte 20.000 lekë? Se ligji thotë që dënohesh nga 2.000 deri në 10.000. Ç’ne 20.000 lekë, apo e bëri dopio sh*rrë ai?

Kaq të pangopur janë, saqë edhe te sh*rra duan të hanë…????”, shkruan Soko.