Një shqiptar i cili përdorte pseudonimin “Tony Montana”, u shpall fajtor në Britaninë e Madhe, për vrasjen e tij të pestë.
Gjykata Penale në Britani ka dënuar me burgim të përjetshëm shqiptarin Mane Driza, i cili përdorte emrin Sokol Drenova pas vrasjen makabre me thikë të bashkëkombasit të tij, Stefan Bledar Mone.
Mane Driza vrau shokun e tij të dhomës Mone vetëm 23 vjeç, duke e masakruar me thikë 120 herë.
Gjykatësit e cilësuan një sulm brutal dhe të pamëshirshëm. Krimi ndodhi dy vjet pasi Driza qëlloi për vdekje dy persona, babë e bir në fshatin e tij të lindjes në Shqipëri, duke u largua më pas drejt Britanisë së Madhe.
Ai mbërriti në këtë vend në vitin 1997, duke pretenduar se ishte një 17-vjeçar që ishte arratisur nga lufta në Kosovë. Pasi vrau Monen, viktimën e tij të tretë, shqiptari u largua drejt Italisë ku ekzekutoi edhe dy burra në një lokal të Katanias në Siçili.
