LIGJET E BIZNESIT
Zëvendësimi i Christian Panuccit nuk ka vonuar shumë, sërish në stolin kuqezi do të jetë një trajner italian.
Bëhet fjalë për Edi Rejan, i cili ka mbërritur në Tiranë, ditën e sotme. Burime tregojnë se prezantimi zyrtar pritet të zhvillohet rreth orës 16:00 në ambientet e Federatës Shqiptare të Futbollit.
Ai u përzgjodh nga Armand Duka për të pasuar në krye të stolit kuqezi Christian Panuccin. Mes një sërë kandidatësh, Reja është parë si emri i duhur për kombëtaren shqiptare, për shkak edhe të eksperiencës së gjatë si trajner.
Më herët Reja u shpreh se Shqipëria ka kualitet. “Kjo kombëtare nuk është ajo që u paraqit me Turqinë. Kjo kombëtare ka kualitet dhe potencial”.
