Festa e Pashkëve/ Kreu i katolikëve mesazh për politikën

Kriza politike në vend po thellohet gjithmonë edhe më shumë, së fundmi janë krijuar parti të reja politike nga deputetët, të cilët kanë plotësuar vendet bosh në Parlament të lëna nga opozita.

Sot një ditë para Pashkëve katolike Imzot Frendo, Ipeshkvi i Tiranës dhe Durrësit, ka dalë sërish me një mesazh të fortë për politikën.

Frendo, ritheksoi fjalinë e thënë edhe më parë: “Ne nuk duam vetvrasjen e kombit”. Ipeshkvi u shpreh se politikanët duhet të shohin për të mirën e përbashkët.

Ai shtoi se gjendja është e rëndë, dhe me kalimin e kohës vetëm do të përkeqësohet, dhe sa më shumë të zgjasë aq më të mëdhaja do të jenë pasojat për popullin. Frendo bëri thirrje që udhëheqësit politikë të angazhohen e të bëjnë zgjidhje të drejta.