Durrës/ Bllokohet kontenieri me mallra false

Ditën e sotme, është bllokuar një kontenier me mallra në doganën e Durrësit.

Burime tregojnë se ky i fundit, ishte i mbushur me mallra “firmato” si syze të markave të ndryshme, çanta, portofola etj.

Mendohet se mallrat vinin nga Kina dhe rezultonin të ishin mallra të thjeshta në deklarime, por pas kontrollit u zbulua se bëhej fjalë për falsifikimin e firmave të mëdha botërore.

Ndërkaq, mallrat e falsifikuara do të hynin në treg si origjinale, dhe do të shiteshin me një cmim relativisht të lartë.