Është dënuar me tetë vjet burg një shqiptar nga drejtësia italiane. I dënuari, Kledian Hoxhaj, 21 vjeç ka ushtruar dhunë seksuale të rënduar, rrëmbim, lëndime serioze, kërcënime dhe shpifje ndaj të dashurës 18-vjeçare.
Ngjarja për të cilën ai akuzohet ka ndodhur në muajin nëntor 2017. Në atë kohë, ai kishte ftuar të dashurën për një natë në shtëpinë e tij, e cila u shndërrua në makth për të renë, shkruan gazeta italiane “Ultimo Notizie”.
Vajza, e cila kishte rënë dakord që të kalonte një natë me të dashurin e saj, ishte penduar më vonë që kishte pranuar. Hoxhaj e kishte mbyllur në dhomë, kishte përdorur dhunë seksuale dhe fizike, në kohën që e kishte lidhur në krevat.
