Mbrëmjen e djeshme në Fier, disa persona të paidentifikuar qëlluan me breshëri plumbash drejt një servisi makinash dhe më pas u larguan me një makinë tip “BMW”. Deri tani nuk ka raportime për viktima.
Makina u gjet e djegur në një rrugë dytësore, pranë kryqëzimit të shinave të trenit në Fier. Rruga dytësore ku u gjet makina rezulton të jetë pa dalje, element ky që shton dyshimet se personat që qëlluan me armë mund të mos jenë nga Fieri.
Makina ‘BMW’ në targa false të një automjeti tjetër të tipit “RENO” dyshohet se mund te jetë e vjedhur në Elbasan.
Nga ngjarja ende nuk ka një pistë konkrete hetimi, pasi nuk dihet nëse objektiv ishte biznesi apo ndonjë person, që mund të ketë qenë duke kaluar aty në atë moment.
