Deklaratë e fortë! “Admir Murataj rezulton me njohje të forta në radhët e policisë, biznesmenëve dhe kriminelëve”

Admir Murataj, grabitësi i mbetur i vrarë gjatë aksionit në aeroportin e Rinasit për grabitjen e milionave eurove, ka qenë një person me rrezikshmëri të lartë. Admir Murataj ka qenë një nga emrat më të përfolur të botës së krimit i cili ka përdorur më shumë se 13 identitete false.

Gazetarja Klodiana Lala para një muaji kishte deklaruar se Admir Murataj ka njohje të forta me biznesmenë, policë dhe persona të botës së krimit.

Lala shprehet:

Në informacionet që disponoj, është person që ka njohje të forta në radhët e policisë, biznesmenëve dhe botës së krimit. Në momentet e para i është siguruar paprekshmëria, ka arritur të largohet, ka pasur informacion.”
I njohur si Adi Tropojani, dhe pas famës së marrë në botën e krimit pas arratisjes nga burgu i Greqisë, Admiri shihej si person agresiv, i fortë.

Gazetarja Lala ka shtuar:

E shikojnë një personazh agresiv, i ashpër dhe vepron e ndikon mbi ushtarët e tij ose anëtarët e grupit kriminal.”
Admir Murataj mbeti i vrarë dje gjatë tentativës së arratisjes pas grabitjes së 10 milionë eurove në aeroportin e Rinasit, ku edhe familjarët e tij e kanë pohuar identitetin e tij pasi kanë parë trupin në morg./ Korrieri