LIGJET E BIZNESIT
Pas pezullimit të Mynyr Konit nga posti i rektorit të Universitetit të Tiranës, kanë reaguar 4 dekanë të Fakulteteve në Universitetin e Tiranës, në një konferencë për mediat.
Ata e kanë vlerësuar këtë vendim të ministres së Arsimit, Besa Shahini, ndërsa shprehen se vendimi është efiçent dhe zëvendësimi i tij do t’i hapë rrugë funksionimit pozitiv të Universitetit.
“Opinioni publik ka marrë vesh se ministrja e Arsimit, ka konfirmuar pezullimin e rektorit të UT dhe ka zëvendësuar me një nga zëvendës rektorët. Qendrimi në përputhje me ligjin dhe kushtetutën. Opinioni publik duhet të dijë se situata është vonuar shumë. Kemi 1 vit e gjysëm që kemi shqetësime.
U bë kontrolli dhe pas një viti e gjysëm, ligji gjeti dritë jeshile. Ka shkelje, ministria e Arsimit ka të përcaktuar kompetencën për të gjetur shkeljet e ligjit. Politika mbajti peng universitetin. U shpërdorua detyra me fondet e dhëna nga Europa.”- është shprehur dekani Dhori Kule.
Të njëjtit qëndrim ka qenë edhe dekani i Fakultetit Juridik, Artan Hoxha.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kujtojmë se sot, ministrja e Arsimit Besa Shahini në vend të Konit vendosi Bernard Dostin. Dosti më herët mbante postin e zv/Rektorit të Universitetit të Tiranës.
