LIGJET E BIZNESIT
Kryetari i Bashkisë së Tiranës, Erion Veliaj ka komentuar protestën për ndërtimin pranë Universitetit Bujqësor të objekteve të reja. Ai ka deklaruar se brenda kampusit ka pasur një motel me orë, për të cilin nuk pati kurrë kundërshtime.
“Edhe në debatin që kam pasur me rektorin i kam thënë që duhet të jetë konsistent, Kur u ndërtua motel, motel me orë, tani jeni goca dhe e kuptoni çfarë po them, motel me orë brenda në kampus. Dhe nuk protestoi njeri.
Po të isha unë prind, do ta kapja në fyt këdo drejtor në atë universitet dhe do i thosha, vajza ime nuk mund të ketë motel me orë, në të njëjtën rrugë që duhet të shkojë në katedër dhe në klasë. S’mund të ketë bingo, baste, mejhane, stripklube e kafe pa fund. Kështu që kjo qartazi është politike dhe është kthyer në modë, që sa herë nis një punë Bashkia e Tiranës, o burra ta bllokojmë”, u shpreh Veliaj.
Këto deklarata kreu i Bashkisë i bëri gjatë inspektimit të konvikteve të rikonstruktuara në Qytetin Studenti, ku ishte I pranishëm edhe kryeministri Edi Rama.
