Bankat zbulojnë shumën e parave të vjedhura në Rinas

Vlerësohet në rreth 6 milionë euro shuma e parave të vjedhura në Rinas dy ditë më parë. Shifra është bërë e ditur nga Sekretari i Përgjithshëm i Shoqatës së Bankave, Spiro Brumbulli në emisionin “Të Paekspozuarit” në News 24.

Ndërsa në media u përfol se shuma e grabitur nga barku i avionit që do të udhëtonte drejt Vjenës ishte 10 milionë euro, Brumbulli ka deklaruar se ajo ishte shumë më pak.

“Unë thashë që nuk janë vjedhur 10 milionë euro, mund të jenë 5 deri në 6 milionë euro, ka pasur edhe dollarë”, deklaroi ai.