LIGJET E BIZNESIT
Artan Lame është emëruar në krye të Agjencisë së Kadastrës, insitucioni i ri që bashkon ALUIZNI-n me Agjencinë e Pronave dhe Hipotekën.
Ishte zv.kryeministri, Erion Braçe, i cili prezantoi Lamen si kreun e Agjencisë së Kadastrës.
Ndër të tjera Braçe dhe Lame paralajmëruan ndjekjen penale për të gjithë ata punonjës shteti dhe qytetarë që do tentojnë korrupsionin.
“Kërkoni shërbim? Merrni shërbim. Mos paguani asgjë që nesër mund t’iu kthehet në të kundërt. Përtej caqeve që ofron ligji, në vepër penale, qoftë për nëpunësit apo për atë që mendon se mund ta blejë shërbimin përmes parave që paguan në sportel”, tha zëvendëskryeministri.
Ligji i ri për Kadastrën hyri në fuqi pak javë më parë. Agjencia e Kadastrës do të jetë në vartësi të Kryeministrit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ka qenë kryeministri Rama që ka urdhëruar emërimin e Lames, ish-drejtorit të Përgjithshëm të Agjencisë Shtetërore të Kadastrës.
