LIGJET E BIZNESIT
Ish-ministrja e Jashtme, Arta Dade, sërish ka shprehur qëndrimin e saj kundër Edi Ramës. Ajo në emisionin “I Ftuari” në A2 CNN, është shprehur se largimi i Ramës është një rrugë për shpëtimin e vendit nga kriza, por edhe të forcës politike që ai ka uzurpuar.
Dade këmbëngul duke u shprehur se zgjidhja e situatës politike vjen vetëm me largimin e Ramës nga posti i Kryeministrit.
“Ambasadori italian tha sot se mazhoranca duhet të hedhë një hap për të zgjidhur problemin. Unë kam qenë me këtë variant, madje unë kam shkuar edhe më tej, duke thënë se Kryeministri duhet të largohet në mënyrë që ta zgjidhë dhe ta zhbllokojë këtë situatë.
Të largohet si kryeministër jo se e kërkon opozita, por ka një intensitet shumë të lartë skandalesh. Vetëm njëra do të mjaftonte që një kryeministër në një vend demokratik të largohej dhe kostot e kësaj qeverie nuk ka pse i merr forca politike që mendohet se e ka mandatuar këtë qeveri”, deklaroi Dade.
Kujtojmë se Arta Dade, një themeluese e PS-së e cila ka mbajtur poste të rëndësishme në parti dhe në qeverisjet socialiste.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
