LIGJET E BIZNESIT
Inspektorati i Lartë i Deklarimit dhe Kontrollit të Pasurive organizoi takimin me temë “Rrugëtimi drejt ngritjes dhe funksionimit të sistemit të ri elektronik të deklarimit të interesave”.
Gjatë fjalës së tij , ambasadori i BE-së në Shqipëri, Luigi Soreca është shprehur se Bashkimi Europian mbështet Shqipërinë në luftën kundër korrupsionit.
Sipas Sorecës, lufta ndaj korrupsionit është prioritet kyç për Shqipërinë.
“Kjo luftë është thelbësore për qytetarët dhe reputacionin e vendit. Komuniteti ndërkombëtar, BE, janë këtu për të mbështetur Shqipërinë në këtë rrugë. Ne qëndrojmë të bashkuar dhe ndajmë barrën ndaj kësaj lufte.
Kjo luftë kërkon vullnetin politik të autoriteteve në vend. Këto autoritete janë dhe marrësit e parë të këtij mesazhi nga BE. Ajo që duket qartë është se më shumë të ekspozuar ndaj tij janë qytetarët e thjeshtë, që nga studentët te biznesmenët”, u shpreh Soreca.
