Aksident i rëndë në aksin Librazhd-Përrenjas, autobusi përplaset me disa makina

Paraditen e sotme në aksin Librazhd-Përrenjas, ka ndodhur një aksident i rëndë automobilistik.

Një autobus i linjës Elbasan-Korçë është përplasur me një autoveturë. Nga informacionet paraprake të bëra të ditura nga Policia e qytetit të Librazhdit, në aksident janë përfshirë edhe dy makina të tjera.

Në vendngjarje janë dërguar dy autoambulanca për t’u ardhur në ndihmë pasagjerëve të lënduar. Sakaq, ende nuk disponohen informacione lidhur me gjendjen e tyre shëndetësore.