LIGJET E BIZNESIT
Kriza politike në Shqipëri nuk po gjen zgjidhje brenda vetes. Ndërkombëtarët po zbarkojnë njëri pas tjetrit në Tiranë në përpjekje për t’i ulur palët në dialog. Dje në darkë në kryeqytet ka ardhur drejtori për Zgjerimin në Komisionin Europian, Christian Danielsson, i cili ka nisur menjëherë takimet me krerët e politikës shqiptare.
Në zyrën e BE, ai ka pritur kreun e PD-së, Basha dhe kryetaren e LSI-së, Monika Kryemadhi. Më herët, Danielsson u takua me kryeministrin Rama.
Takimi me Ramën ka zgjatur edhe 20 minuta më shumë se sa ishte parashikuar, ndërsa i pranishëm ka qenë edhe ambasadori Soreca.
Edhe pse nga Kryeministria nuk ka pasur asnjë deklaratë në lidhje me takimin, ka qenë Danielsson ai që me anë të një postimi në Twitter shkruan shkruan se Shqipëria duhet të vazhdojë në reformat dhe të luftojë krimin dhe korrupsionin, për të qenë gati në qershor për nisjen e negociatave.
“Një bisedë shumë e hapur me kryeministrin @ediramaal për situatën aktuale politike dhe reformat. Shqipëria duhet të vazhdojë përparimin në të gjitha fushat e reformave, dhe në veçanti luftën kundër krimit dhe korrupsionit, për të na bindur në qershor, kur Shtetet Anëtare të BE do të shqyrtojnë përparimin”,- shkruan Danielsson.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
