Zgjedhjet në Tuz, fitojnë shqiptarët. Kryetari i ri Nik Gjeloshaj

Komuna e Tuzit do të drejtohet nga një shqiptar dhe ai është Nik Gjeloshaj. Është ky përfundimi i rezultatit në zgjedhjet vendore të bashkimit të 3 partive shqiptare përballë partisë së Milo Gjukanovic, që e bëri të djelën e 3 marsit historike.

Në mbyllje të numërimit të votave kandidati i dalë nga bashkimi i tre partive shqiptare me emrin “Malësia na bashkon” ka dalë fitues përballë kandidates tjetër Mirza Pepic të partisë së Milo Gjukanovic.

Koalicioni i shqiptarëve ka marrë rreth 3682 vota, ose ka fituar 16 nga 32 mandate. Ndërkohë një nga social demokratët pritet të kalojë me koalicionin shqiptar.

Zgjedhjet vendore në Tuz u zhvilluan të qeta dhe pa incidente, ndërsa në to morën pjesë edhe shumë emigrantë shqiptarë të rikthyer enkas për të votuar kandidaturën e bashkimit të tre partive shqiptare, Alternativa Shqiptare, Unioni Demokratik dhe Lidhja Demokratike.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern