Zbulohet laborator droge në Tiranë, dy në pranga

Policia e Tiranës pas një hetimi me metoda speciale në bashkëpunim me Prokurorinë e Tiranës finalizuan operacionin e koduar “Laboratori”. Në  pranga kanë rënë dy persona, ndërsa, janë proceduar në gjendje të lirë tre të tjerë.

Këta shtetas merreshin me shitjen e lëndëve narkotike në disa zona të Tiranës. Pasi përzienin dhe ambalazhonin “produktin”, ia shisnin personave të tretë në doza të vogla.

Pas operacionit të quajtur “Laboratori”, Policia ka sekuestruar thuajse 2 kilogramë heroinë, 200 gramë kokainë, para, dhe sende të tjera që shërbenin për përzierjen dhe ambalazhimin e lëndës narkotike.

Në pranga kanë përfunduar shtetasit F. N., 30 vjeç, me pseudonimin “Loli Verës”, i dënuar më parë, për veprën penale të “Prodhim dhe shitje narkotikësh”, dhe P. P., 27 vjeç, me pseudonimin “Pipo”, banues në Tiranë. Ndërsa u proceduan penalisht për veprën penale “Moskallëzim Krimi”, shtetasit: B. N, 36 vjeçe, B.S., 43 vjeç dhe G.G., 47 vjeç, i dënuar më parë për “Prodhim dhe shitje narkotikësh”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern