Parlamenti ka miratuar edhe ndryshimet që Ministri i Brendshëm, Sandër Lleshaj ka propozuar për Vetting-ut në Polici.
Gjatë fjalimit në Parlament, ish ministri Fatmir Xhafaj doli kundër ndryshimeve që po i bëhen ligjit. Ai shprehu keqardhje që zbatimi i nismës së hartuar prej tij, u shty me alibi false.
“Në vlerësimin tim, ndryshimet që i bëhen ligjit nuk janë të duhura. Për shumë kohë, SHÇBA nuk do të ketë kapacitetet e duhura për të kryer këtë lloj procesi. Ti besosh Vettingun e 13 mijë punonjësve një institucioni që ka në total 110 punonjës, përfshirë ata të shërbimeve mbështetëse, besoj se do ta ngadalësojë procesin”, deklaroi ish ministri Xhafaj.
Në ndryshimet për ligjin e vetingutt ishin 76 deputetë që votuan pro, 6 kundër, 6 abstenim, ndërsa ish-ministri i Brendshëm Fatmir Xhafaj ka abstenuar dhe është shprehur skeptik për këto ndryshime ligjore.
