LIGJET E BIZNESIT
Ngjarjet e rënda në Shkodër janë komentuar edhe Arqipeshkvi i dioqezës Shkodër-Pult Angelo Massafra. Ai bëri një apel për të gjithë dhe veçanërisht për të rinjtë gjatë meshës së shenjtë në katedralen “Shën Shtjefni” për 200-vjetorin e lindjes së arbëreshit Andon Santori.
Arqipeshkevi Massafra solli historinë e një babai që kishte dy djem, ku njëri nga djemtë e braktis babanë, për shkak se nuk i siguron pasuri. Arqipeshkvi u shpreh se fëmijët e sotshëm nuk dinë të kërkojnë falje dhe të kuptojnë gabimet e tyre, duke sjellë më pas veprime që i çojnë drejt sjelljeve negative, si droga apo krimet.
“Vetëm si shkak i krenarisë që kemi, kur gabojmë disa pranojnë që t’i fusin plumb kokës dhe të mos tërhiqen, edhe kur e dinë se janë gabim. Kjo nuk është gjëja e duhur”, deklaroi Massafra. Ai bëri thirrje për falje, si e vetmja mënyrë për të shkuar pranë Zotit në parajsë.
