Vrasja në Shkodër/ Ja si u mbrojt njëri prej vëllezërve. Mbi 30 persona në Polici

Mbi 30 persona janë shoqëruar gjatë natës nga Policia e Shkodrës, të pyetur lidhur me vrasjen e dyfishtë të vëllezërve Bilali. Ngjarja e rëndë ndodhi mëngjesin e së shtunës në qytetin verior, afër banesës së dy viktimave.

Policia nuk bën të ditur për momentin deklarimet e personave të shoqëruar, ndërsa ende nuk ka konfirmuar ndonjë person të dyshuar për ketë vrasje.

Hetimet e kryera në bazë të provave të gjetura në vendngjarje, tregojnë se njëri nga vëllezërit e ekzekutuar ka pasur armë me vete dhe i është kundërpërgjigjur atentatorit. Por ai ka qenë i plagosur dhe në këto kushte, ka qenë e pamundur që të shenjestronte autorët.

Policia ka gjetur në makinën  gjysmë të djegur që mendohet që është përdorur nga autorët e vrasjes edhe armën, me të cilën janë ekzekutuar vëllezërit Bilali.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern