LIGJET E BIZNESIT
Një ngjarje e rëndë u regjistrua në Korçë, ku një grua e moshuar është mbytur nga i biri. Nazime Demollari, 85 vjeçe, nënë e katër djemve, është gjendur e pajetë në apartamentin e saj në lagjen 14 në Korçë.
Viktima jetonte së bashku me djalin e saj Nesim Demollari, rreth 60 vjeç, në të njëjtën banesë, ndërsa tre djem të tjerë jetojnë në SHBA dhe Tiranë.
Shkak për ngjarjen dyshohet se ka qenë sjellja e 60-vjeçarit i cili ishte një përdorues i rregullt i alkoolit. Në sherr e sipër, ai i ka futur duart në fyt nënës së tij duke i marrë jetën.
Kunata e saj, Gjyrxhie Demollari shprehet e shokuar për ngjarjen e rëndë.
“Gjeta derën e hapur dhe e shikoj në krevat të shtrirë. I fola dhe më tha jam e sëmurë. E shtriva sërish në krevat. Vjen djali dhe nisi debatin me nënën e tij. Ai ishte i dehur. Ai duhet varur”, tregon kunata.
