Vrasja në Bllok/ Pasi u la i lirë, Ervin Mata ka një kërkesë për Prokurorinë

Në datën 2 mars u vetëdorëzua në polici biznesmeni i shumëkërkuar, Ervin Mata, i fejuari i këngëtares Elvana Gjata. Ai ishte shpallur në kërkim si i përfshirë në vrasjen e 4 tetorit 2018 në zonën e Ish Bllokut.

Pas vetëdorësimit, Gjykata e la të lirë Matën, ndërsa iu dha masa e sigurisë “detyrim paraqitje”.

Ai i është drejtuar prokurorinë se Tiranës me një memo, përmes të cilës kërkon të japë shpjegime për ngjarjen, ku një person mbeti i vrarë dhe dy të tjerë u plagosën.

Memoja iu është dorëzuar dy prokurorëve të çështjes, nga avokati mbrojtës, Alban Bengasi, pasi Mata, ndaj të cilit rëndon akuza e vrasjes kryer në bashkëpunim, nuk ka dhënë deri më tani shpjegime për ngjarjen.

Burime nga prokuroria thanë se e kanë administruar kërkesën e Matës dhe javën e ardhshme ai do të thirret për të dhënë versionin e tij.